Baaaaaaaaaaaaack
بعتذر منك أبو العلاء لتأخري في الرد
مناقشة الموضوع بيحتاج تعليق على كل صورة ... بس قبل ما علق عالصور بحب قول أنو كتيييييييير من الصور مبين ملعوب فيها على الكمبيوتر بالنسبة لهي الصورة فـ أكيد غير موجوده على أرض الواقع و شخص مشتغل عليها على الكمبيوتر و شكلا بوضح هالشي
بالنسبة لهي الصورة
... فـ حسيت مو الهدف منا توضيح أنو بسوريا في قسم خاص بالجراحة النسائية لانو واضح الغلط بـ كلمة
male إلي معناتو رجل و بتوقع كان الهدف من هالصورة تأكيد تأخر الشعب السوري باللغة الانجليزية بس السؤال هل ممكن دكتور ما يعرف انجليزي
؟؟؟ .... فلذلك هالصورة مبين لا تنتمي للشعب السوري و لـ سببين
.. الأول أنه نحن شعب متفتح و أغلب الأماكن ما فيها تخصيص للنساء و تاني سبب أنو الشعب السوري يمكن يكون ضعيف باللغة الانجليزية لكن بالمقابل قوي جدًا باللغة العربية و لا يمكن شعب قوي باللغة العربية يكتب كلمة حريم
!! مخبر تحاليل عجيييييييييييب
... ناس مثقفة لدرجة تفتح مركز للتحاليل ممكن تكتب هيك حكي
؟؟؟؟!!! بالفعل شيء غريب
تعليقي كتييييييييير بسيط على هالصورة
..... التكاسي الصفر مو موجودة غير بسوريا
!!!!!؟؟؟؟ أنا بعرف في عنا بحماه نهر العاصي بس ما بحياتي شفت المكان إلي بالصورة و كأنو نفق و بحماه ما في نفق و أساسا نهر العاصي ناشف من زمان
... فـ مصداقية الصورة تعتبر 0%
اممممممممممم .... هلق ممكن نتيجة عوامل الجو يصير شوية تخريب بالـ لافته تبعا المحل بس الغريب بالموضوع أنو بس نقطا متضررة و باقي الكلام واضح كتير ... يعني المقصود بالصورة أنو صاحبة الصالون عامله هالشغله قصدا ... فـ هون عنا احتمالين يا أما صاحبة المحل مجنونه و ما فيها عقل و عندا مصاري كتير و فتحت محل بس تسلاية يا أما الصورة مدبرة و مزبطا على الكمبيوتر ... فـ كل واحد يدرس الصورة بعقلو و يقول أي احتمال منطقي أكتر
أنا اعترف أنو نفوس عنا حالتو بتبكي بس مو لهدرجة
!!!!!!!!!! أساسا أنا ما شفت موظفين نساء بالنفوس فـ شو جاب الطفل عالنفوس مو معقول الأب حنون لدرجة ياخد ابنو أو بنتو الرضيع\ـة على الشغل
هي الصورة بالذات مضحكة بشكل مو طبيعي
... هلق العالم بتفتح محلات لتسترزق مو تطفش العالم
... و بعدين بالله في شخص بالعالم اسمو زبالة
!!!! و لو في واحد اسمو زبالة مجرد ما يصير عمرو 10 سنين بروح بغيرو مو بتم اسمو زبالة كل العمر و بعدين بحياتي ما شفت مروحة برات المحل فـ شو تفسير وجود المروحة ما بعرف
هلق أنا بشكل عام كل سنة لازم روح على محلات للسي ديات لاشتري أفلام بس صدقُا بحياااااااتي كلها ما شفت سي دي متل هاد بالعكس كانت كل السي ديات عبارة عن أفلام أو مسرحيات أو أغاني و شو ما بيطلب الزبون بلاقي و هالحكي مو على محل واحد لاني شفت أغلب المحلات بحماه و الشام
هي الصورة الصراحة عجيبة
... هلق انا ما بقول انو ما في ناس بسوريا بتكتب هيك لافتات مضحكة بـ مضمونها
... بس أكيد مو دكتور إلي بحط هيك حكي يعني هالكلام ما بيدخل العقل لو بقولو لحام ممكن صدق أما دكتور فـ هالشي شبه مستحيل
بالنهاية بدي قول أنه هالصور عبارة عن حرب عن طريق الشبكة الالكترونية ضد سوريا
.... و أغلب الصور كان هدفا تأكيد غباء الشعب السوري و ضحالة ثقافته
.... بس بدي قول سوريا هي الدولة الوحيدة إلي حافظت على لغتها الأم و جعلت من اللغة العربية أساس للمناهج و الدراسة إضافة للغة الفرنسية و الانجليزية و الكل بيعرف ثقافة
( المهندس و الطبيب و الصيدلي و المدرس و الصحفي
) السوري أوسع من ثقافة أي شخص آخر
يعني هالصور هدفا تشويه صورة الشعب السوري بس هالشي مستحيل لانو الكل بيعرف مين هو المواطن السوري
بتوقع هيك عطيت رأي مع أني لو بدي احكي ما رح يكفي لا موضوع و لا 10 مواضيع بس حاولت اختصر النقاط و وصل رأي
يسلمو كتير أخي أبو العلاء لطرح هالموضوع الخطير و المهم